Arxadan gələn maşına yol vermədi: qəzada ana və azyaşlı uşaq yaralandı - FOTO

04:00 06-12-2019 382

Yasamal rayonunda iki avtomobilin toqquşması ilə nəticələnən qəza baş verib.  

HerGun.Az xəbər verir ki, hadisə Şərifzadə küçəsində, metronun “İnşaatçılar” stansiyasının yaxınlığında baş verib.  

Belə ki, “Qazel” markalı yük maşını geriyə dönmə əməliyyatı etmək istəyib. Bu zaman yük maşını arxadan gələn “Honda” markalı avtomobili gözləmədiyindən ona çırpılıb.  

Qəza nəticəsində “Honda”da olan azyaşlı və onun anası, 1989-cu il təvəllüdlü Aysel Məmmədova xəsarət alaraq xəstəxanaya yerləşdirilib.  

A.Məmmədovaya sağ qolun əzilmiş yarası diaqnozu qoyulub.  

Əraziyə Yasamal Rayon Polis İdarəsinin əməkdaşları cəlb edilib.  

Hadisənin təfərrüatı araşdırılır. 

Kamil Əmirli, Elşad Mətləboğlu