“Xüsusi təyinatlılar” ABŞ-da Timatiyə hücum etdilər - VİDEO
Rusiyanın məşhur repçisi, iş adamı Timatinin ABŞ-a səfəri zamanı xoşagəlməz hadisə ilə üzləşib.
HerGun.Az xəbər verir ki, ulduzun yaxın dostu və biznes ortağı onunla zarafat etmək qərarına gəlib.
Belə ki, kafelərin birində olan Timatinin üstünə maskalı və silahlı şəxslər yaxınlaşaraq, ona pullar barədə danışmağı tələb ediblər. Rusiyalı sənətçi dizləri üstə dayanaraq, nələrin baş verdiyini anlaya bilməyib. Baş verənlərdən pərişan duruma düşən sənətçi heyrət içində qalıb.
Timati hadisədən sonra maskalı şəxslərin ABŞ polisinin xüsusi təyinatlı heyətinin danışığındakı aksentdən şübhələndiyini bildirib.
Timati dostunun onunla bu cür zarafat etməsinin heyfini çox pis şəkildə alacağını söyləyib.
“Prank” bu yaxınlarda Los-Ancelesdə Timati tərəfindən açılan “Black star burger”də olub. Məkanın ilk qonaqları isə dünya şöhrətli pop ulduz Castin Biber və onun həyat yoldaşı Heyli olub.
Timatinin sevgilisi Anastasiya Reşetova tədbirdə iştirak edə bilməyib. O, evdə iki ay əvvəl dünyaya gətirdiyi Ratmir adlı övladı ilə qalıb.
Rəşad Əliyev
