Rusiyada koronavirusa görə sarımsağın qiyməti bahalaşıb

03:40 26-02-2020 354

Rusiyada yanvar ayında sarımsağın qiyməti 37% bahalaşıb.

“İzvestiya” xəbər verir ki, mütəxəssislərin fikrincə bu koronavirusun yayılması ilə bağlıdır.

Ötən il sarımsağın 1 kiloqramı 155 rubla satılırdısa, bu il həmin çəkidə sarımsağı 212 rubldan aşağı qiymətə almaq mümkün deyil.

Bundan əlavə, fevral ayında sarımsağın qiyməti daha 5,5% bahalaşıb.

Hal-hazırda Rusiya bazarlarında sarımsağın bir kiloqramı 246 rubla satılır.