Senator Trampı Rusiyadan və “OPEK” ölkələrindən neft almamağa çağırdı
03:00 19-03-2020 347
Neft hasilatı ilə məşğul olan Şimali Dakota ştatının senatoru Kevin Kramer ölkə Prezidenti Donald Trampı Rusiyadan, Səudiyyə Ərəbistanından və İraq kimi “OPEK”-in digər ölkələrindən neft almamağa çağırıb.
“New York Post” xəbər verir ki, senator bu ölkələrin dünyada koronavirusla bağlı vəziyyətdən ABŞ-a qarşı istifadə etdiklərini bildirib.
“Onlar bazarları ucuz neftlə doldurmaq istəyirlər. Bu ölkələrdən gələn neftə embarqo qoymaq lazımdır. 2018-ci ildə ABŞ bu üç ölkədən gündə 1,5 milyon barrel neft alırdı. Bu gün həmin dövlətlər bizim istehsalçılarımızın və işçilərimizin ziyana gedəcəyini gözləyirlər. Biz onlara aydın siqnal ötürməliyik ki, ABŞ-ı ələ salmaq, bizə hörmətsizlik etmək olmaz”, - deyə senator vurğulayıb.
