ABŞ aviaşirkətlərindən koronavirusa görə maska qərarı
ABŞ-ın bir sıra iri aviaşirkəti sərnişinlərə COVID-19-un yayılması ilə əlaqədar təyyarələrində maska taxmalarının lazım olduğunu bildirib.
CNBC telekanalı bu barədə xəbər yayımlayıb.
Bazar ertəsi günündən etibarən “Delta” və “United” aviaşirkətlərinin sərnişinləri maska taxmaq məcburiyyətində qalacaqlar. “Delta”nın yeni qaydalarına əsasən, yemək vaxtı istisna və qeydiyyat prosesi daxil olmaqla, uçuş boyu maska taxmaq tələb olunur.
Mayın 8-dən “Frontier Airlines” və 11-dən “American Airlines” bu cür qaydaları tətbiq edəcək. Belə tədbirlər daha əvvəl “JetBlue Airways” tərəfindən elan edilib. Bu şirkət ABŞ-da sərnişinlərə maska taxmağı məcbur edən ilk böyük hava yolları qurumu olub. Eyni zamanda, ekipaj üzvlərindən də maska taxmaq tələb edilir.