Alimlər göz yaşının təhlükəli xüsusiyyətini ortaya çıxardı: Koronavirus daşıyıcısı...

07:00 12-05-2020 335

Amerikalı alimlərin apardığı tədqiqatlar nəticəsində koronavirusun gözyaşı vasitəsilə ötürülə biləcəyi ortaya çıxıb.

Bu barədə “MedRxiv” məlumat yayıb.

Con Hopkins Universitetinin Tibb Məktəbinin mütəxəssisləri müəyyən ediblər ki, gözün səthi yalnız virusun giriş nöqtəsi hesab edilən ACE-2 zülalından deyil, eyni zamanda TMPRSS2 fermentindən ibarətdir. Eyni hüceyrədə sözügedən zülal və fermentin olması virusun inkişafı üçün yetərli şəraiti təmin edir.

“Əgər göz infeksiyaya yoluxarsa, bu orqanın özü virus daşıyıcısına çevrilə bilər. Bu zaman gözyaşı virusun ötürülməsi üçün vacib mexanizmə çevrilir”, - hesabatda deyilir.