Rusiyada məzunlar bu il hərbi xidmətə çağırılmayacaq
05:20 22-05-2020 430
Rusiyada məzunlar üçün hərbi çağırış bu il təxirə salınıb.
RT-nin məlumatına görə, bu barədə RF dövlət başçısı Vladimir Putin COVID-19-un yayılması şəraitində təhsil sistemində vəziyyəti müzakirə etmək üçün keçirdiyi onlayn iclasda bəyan edib.
“Biz Təhsil naziri ilə birlikdə belə qərara gəlmişik ki, bu ilin məzunlar üçün hərbi çağırış təxirə salınsın”, - deyə prezident bildirib.
Qeyd edək ki, Rusiya koronavirusa yoluxma halına görə dünyada ikinci yerdədir. Belə ki, ölkədə bu günə qədər 317 554 nəfər COVID-19-a yoluxub, 3 099 nəfər isə ölüb.
