Hacıqabulda yük maşını aşdı, xəsarət alan var
02:20 15-08-2020 434
Hacıqabul rayonunda yük avtomobili aşıb.
APA-nın Mil-Muğan bürosunun məlumatına görə, hadisə Bakı-Qazax magistralının 110-cu kilometrliyində, Hacıqabul rayonunun Pirsaat kəndi ərazisindən keçən hissədə qeydə alınıb.
Ərzaq malları daşıyan “Isuzu” markalı avtomobilin aşması nəticəsində avtomobildə olan sərnişin – Şirvan sakini, 1994-cü il təvəllüdlü Zeynallı Cahangir Telman oğlu müxtəlif dərəcəli xəsarətlərlə Şirvan Şəhər Xəstəxanasına yerləşdirilib.
Faktla bağlı araşdırma aparılır.
