“Facebook” və “Twitter” Rusiya ilə əlaqəli hesabları blokladı

14:20 02-09-2020 448

“Facebook” və “Twitter” “kordinasiya edilən təsdiqlənməmiş hərəkətlər” səbəbindən Rusiya strukturları ilə əlaqəli bəzi hesabları silib və ya bloklayıb.

Bu barədə sosial şəbəkələrin press-relizlərində bildirilir.

“Facebook”un xəbərinə görə, Rusiya İnternet Tədqiqat Agentliyi ilə əlaqəli 13 hesab və iki səhifə sosial şəbəkədən silinib. Bu, həmin səhifələrin fəaliyyətinin Böyük Britaniya, ABŞ, Əlcəzair və Misirə yönləndirilməsi ilə bağlıdır:

“Bu araşdırmanı FTB-nin (Federal Təhqiqat Bürosu) məlumatlarına əsasən başladıq. Daxili araşdırmamız “Facebook”dakı şəbəkənin bütün həcmini əhatə edir”.

“Twitter” isə öz növbəsində bu sosial şəbəkədə beş hesabın bloklandığını bildirib:

“Platformadakı manipulyasiyalara görə Rusiya dövlət qurumları ilə etibarlı şəkildə əlaqələndirə biləcəyimiz beş hesabın fəaliyyətini dayandırdıq”.