Ancelina Coli Çörçilin rəsm əsərini 11.5 milyon dollara satdı – FOTO
Tanınmış Hollivud aktrisası Ancelina Coli Böyük Britaniyanın əfsanəvi Baş naziri Uinston Çörçil tərəfindən çəkilmiş “Əl-Kutubiyyə məscidinin minarəsi” adlı rəsm əsərini 11.5 milyon dollara (təxminən 19.5 milyon manat) satıb.
Bu barədə “Kommersant” nəşri məlumat yayıb. Məlumata əsasən, rəsm əsəri “Christie's” hərracı vasitəsilə özünə yeni alıcı tapıb.
Qeyd edək ki, “Əl-Kutubiyyə məscidinin minarəsi” Çörçil tərəfindən II Dünya müharibəsi illərində çəkilmiş yeganə rəsmdir. Əsər 1943-cü ildə Baş nazir tərəfindən kətana köçürülüb və ABŞ-ın 32-ci prezidenti Franklin Ruzveltə hədiyyə olunub. Coli isə əsəri 2011-ci ildə satın alıb.
Onun satılmasının səbəbləri, həmçinin yeni sahibinin adı açıqlanmır.
#AuctionUpdate A new #WorldAuctionRecord for Sir Winston Churchill with 'Tower of the Koutoubia Mosque' (1943) selling for £8,285,000. This is the only painting created by Churchill during the Second World War: https://t.co/JCBvGaFShW pic.twitter.com/iZMumvmwp2
— Christie's (@ChristiesInc) March 1, 2021