Çinli mütəxəssis: “Çində vaksinasiya prosesi digər ölkələrdən zəifdir”

03:40 03-03-2021 383

Çin əhalisinin 40 faizinin iyuna qədər vaksinasiya olunacağı planlaşdırılır.

“Haber Global” məlumat verir ki, bunu Çin Milli Səhiyyə Komissiyasının tibb mütəxəssisi Zonq Nansan deyib.

Onun sözlərinə görə, Çinin peyvənd tutumu bu hədəfə çatmaq üçün yetərlidir.

Mütəxəssis bildirib ki, Çin epidemiyaya nəzarət müddətində çox yaxşı olsa da, vaksinasiya səviyyəsi digər ölkələrlə müqayisədə daha aşağıdır.

Qeyd olunur ki, Çində 1,4 milyard əhalinin yalnız 3,56 faizi peyvənd edilib.