Rusiyada hərbi təyyarənin qəzaya uğradığı yerin ilk görüntüləri yayıldı - YENİLƏNİB + FOTO
Rusiyanın Xabarovsk diyarında qəzaya uğrayan “An-26” təyyarəsinin fotoları yayılıb.
Bildirilir ki, təyyarənin göyərtəsində olan altı ekipaj üzvünün hamısı həlak olub.
“Ölənlərin qalıqları qəza yerində tapılıb. Sağ qalan yoxdur”, - xilasetmə qrupunun məlumatında qeyd olunur.
Hazırda qəzanın baş verdiyi yerdə xilasedicilərlə bərabər Rusiya Federasiyasının İstintaq Komitəsinin əməkdaşları çalışır.
Mənbə: TASS
09:06
Rusiyanın Xabarovsk diyarı yaxınlığında radarlardan itən “An-26” hərbi təyyarəsinin qalıqları tapılıb.
Xabarovskda yerləşən “Zapovednoye Priamurye” Dövlət Təbiət Qoruqları və Milli Parklar Birgə Direksiyasından da “An-26” tipli təyyarənin qalıqlarının tapılması ilə bağlı məlumatı təsdiqləyiblər.
Artıq axtarış və xilasetmə qrupunun hadisə yerinə yollandığı qeyd olunur.
Rusiya Fövqəladə Hallar Nazirliyinə əlavə ediblər ki, Xabarovsk yaxınlığında qəzaya uğrayan “An-26” təyyarəsinin ekipajının taleyi isə hələ də məlum deyil.
Xatırladaq ki, ötən gün Rusiyada “An-26” tipli hərbi təyyarə radarlardan itib. Təyyarənin göyərtəsində altı nəfər olub.