Koronavirus təhlükəsi səbəbindən Ümumdünya mobil sənaye sərgisi ləğv edildi

02:40 13-02-2020 464

Barselonada dünyanın ən iri mobil sənaye sərgilərindən biri sayılan Ümumdünya Mobil Konqresi (Mobile World Congress) ləğv edilib.

“TASS” xəbər verir ki, buna səbəb koronavirus təhlükəsi olub.

Qeyd etmək lazımdır ki, 2006-cı ildən bu yana "Mobile World Congress" hər il Barselonada irimiqyaslı tədbirlər keçirir.

2020-ci ildə sərgi 24-27 fevral tarixlərində baş tutmalı idi.

Fevralın 11-i “İntel” şirkətinin sərgidə iştirak etməyəcəyi təsdiqlənib.

Bundan başqa, “Amazon”, “LG Electronics”, “Ericsson”, “Nvidia” və bir sıra digər şirkətlər də sərgiyə gəlməkdən imtina edib.