ABŞ koronavirus məlumatlarının təhlili üçün superkompüterdən istifadə edəcək

09:00 30-07-2020 16

ABŞ-da koronavirusla bağlı məlumatların emalı üçün superkompüterdən istifadə olunacaq.

Bu barədə ABŞ-ın Səhiyyə və Sosial Xidmətlər Nazirliyinin mətbuat xidməti məlumat yayıb.

Söhbət ABŞ-ın Milli Laboratoriyasında yerləşən “Summit” superkompüterindən gedir. Sözügedən komputer IBM korporasiyası tərəfindən yaradılıb.

Son iki ildə “Summit” dünyanın ən sürətli komputeri hesab olunsa da, 2020-ci ilin iyununda bu statusu itirib. Hazırda bu status Yaponiyanın “Fuqaku” superkompüterinə məxsusdur.

COVID-19 məlumatlarının mübadiləsi və təhlili proqramına həmçinin ABŞ-ın Energetika Nazirliyi də cəlb olunub. Proqramın yekun məqsədi yoluxanlara kömək edə biləcək dərman və peyvəndin yaradılmasıdır.