Paşinyan etiraf etdi: “Biz bunu bacarmadıq”

12:20 16-11-2020 20

Ermənistanın Baş naziri Nikol Paşinyan Qarabağda baş verənlərə görə məsuliyyət daşıdığını bildirib və əlavə edib ki, İrəvan danışıqların məntiqini dəyişdirmək gücündə olmayıb.

“Baş verənlərə görə cavabdeh olan birinci şəxs mənəm. Burada heç bir başqa variant ola bilməz. Başa düşürəm ki, şərti olaraq, xalqımızın məhkəməsi qarşısında durmalıyam. Ancaq hazırkı vəziyyətdə hakim olan xalq işin bütün şəraitini bilməli, ordu, müxalifət, hökumət arasında dialoq olmalıdır”, - deyə N.Paşinyan onlayn mətbuat konfransı zamanı söyləyib.

N.Paşinyanın sözlərinə görə, 2018-ci ilin may ayına qədər (Paşinyanın hakimiyyətə gəldiyi tarix) beynəlxalq birlik “heç bir əvəz qarşılığında ərazi” düsturu ilə razılaşıb və müzakirələr geriyə dönməz nöqtəyə çatıb.

“Bu məntiqi dəyişdirməyə çalışdıq. Müqavimətimizi artırmağa çalışdım, amma biz bunu bacarmadıq”, - deyə N.Paşinyan qeyd edib.