“Qarabağ” cari mövsüm antirekorda imza ata bilər
14:20 22-02-2021 351
“Qarabağ” Azərbaycan Premyer Liqasının XVI turunda növbəti səfər heç-heçəsinə imza atıb.
“Sumqayıt”la qolsuz bərabərlik Qurban Qurbanovun yetirmələrinin rəqib meydanındakı altıncı sülhü olub.
Bu, klub tarixində qeydə alınmış rekordun təkrarıdır. Ağdam təmsilçisi 1992-ci ildən qatıldığı ölkə çempionatlarında heç vaxt altıdan artıq səfər matçında heç-heçə etməyib. 1993, 1993/94, 1999/2000, 2009/10, 2011/12 və 2012/13 mövsümlərində rəqib meydanından altı dəfə bir xalla dönmüş “Qarabağ” yeddinci dəfə eyni göstəriciyə imza atıb.
Qeyd edək ki, ağdamlılar cari mövsümdə daha altı səfər oyununa çıxacaq. Bu görüşlərdə qeydə alınacaq bir heç-heçə mütləq rekordla nəticələnəcək.
