Nazirlikdən ali məktəblərin də distant təhsilə keçəcəyi iddiaları ilə bağlı AÇIQLAMA - VİDEO

12:40 04-04-2021 377

Təhsil Nazirliyi distant tədrisin daha adekvat olması üçün müxtəlif mexanizmlər tətbiq edir. Alətlər təkmilləşib, təlimlər və metodlar nəticəsində müəllimlərin hazırlıq səviyyəsi yüksəlib.

Bunu ARB24-ün “Nə baş verir?” verilişinə açıqlamasında Təhsil Nazirliyinin mətbuat katibi Cəsarət Valehov deyib.

O bildirib ki, nazirlik prosesə ötən ildəkindən daha hazırlıqlıdır:

“Bu gün bir milyondan artıq şagird və müəllim “Virtual məktəb" layihəsində iştirak edir. Distant təhsilin keyfiyyətinin artması üçün hər ay və hər gün təkmilləşdirilmə işləri görülür. Bununla əlaqədar, ötən ilin müvafiq dövrü ilə müqayisədə hazırda kifayət qədər müsbət nəticələr əldə edilib”.

C. Valehov onu da qeyd edib ki, ənənəvi tədrisin dayandırılması ilə bağlı qərarın universitetlər üçün tətbiqi nəzərdə tutulmayıb.