Cibində smartfonu partlayan kişi xəstəxanalıq oldu – VİDEO

03:00 01-05-2021 531

Gödəkçəsinin cibində smartfonu partlayan kişi ölümdən döndü.

“Life Shot” “Telegram” kanalının məlumatına görə, hadisə Rusiyanın Sankt-Peterburq şəhərində baş verib.

Bununla bağlı yayılan kadrlardan görünür ki, hadisədən əvvəl kişi skamyada oturub. Qəfil o qalxıb yerə yıxılır və yanmağa başlayır. Yoldan keçənlər odu söndürərək kişinin əynindən gödəkçəni çıxarıblar və təcili yardıma zəng vurublar.

Zərərçəkən 54 yaşlı Aleksandr S. orta ağır vəziyyətdə xəstəxanaya yerləşdirilib. Onda qarın, sinə və boğaz yanıqları qeydə alınıb.