Həkim Arif Quliyevin vəziyyətindən DANIŞDI
11:40 03-05-2021 293
Xalq artisti Arif Quliyevin vəziyyəti ağır stabil olaraq qalır.
Bu barədə HerGun.Az-a açıqlamasında “Yeni klinika”nın reanimatoloqu Emil Qasımov məlumat verib.
O bildirib ki, artıq yeddi gündür Xalq artistinə invaziv mexaniki ventilyasiya tətbiq edilir:
“Süni tənəffüs aparatında mexaniki ventilyasiyada intensiv müalicə davam edir. Bu günlərdə yaxşılaşma müşahidə edilərsə, orqanizmin vəziyyəti dəyərləndiriləcək. Yaxşı olması üçün əlimizdən gələni edirik”.
Qeyd edək ki, bir müddət əvvəl koronavirusa yoluxan Xalq artisti Arif Quliyev xəstəxanaya yerləşdirilib.
Könül Cəfərli
