Sabirabadda gecə qaçırılan maşın səhəri gün tapıldı
15:40 05-06-2021 373
Sabirabadda daha əvvəl qaçırılan avtomobil tapılıb.
DİN-in mətbuat xidmətinin Şirvan regional qrupundan verilən məlumata görə, iyunun 4-ü gecə saatlarında Sabirabad rayonu Yenikənd kənd sakini M.Allahverdiyev DİN-in “102 Zəng Mərkəzi”nə müraciət edərək ona məxsus “Niva” markalı avtomobilin qaçırıldığı barədə məlumat verib.
Məlumatla əlaqədar Sabirabad RPŞ-nin əməkdaşları tərəfindən həyata keçirilmiş əməliyyat-axtarış tədbirləri nəticəsində həmin nəqliyyat vasitəsinin rayon ərazisində tapılması təmin olunub.
Faktla bağlı Sabirabad RPŞ-də araşdırmalar aparılır.
