Milanın 20 yaşlı keçmiş oyunçusu ölü tapıldı

01:40 06-06-2021 19

İtaliyanın “Milan” futbol klubunun keçmiş futbolçusu Seyid Visin 20 yaşında vəfat edib.

Bu barədə klubun “Twitter” hesabında bildirilib.

Gənc oyunçunun meyiti valideynləri tərəfindən İtaliyanın Kampania bölgəsində Noçera-İnferiore qəsəbəsindəki mənzilində tapılıb. Ölüm səbəbi hələlik məlum deyil.

Seyid Visin Efiopiyadandır. İtaliyaya yeddi yaşında gəlib, yerli bir ailə tərəfindən himayəyə götürülüb. Visin “Milan” gənclər akademiyasında oxuyub. 2017-ci ildə o, mini futbola keçib.