Qazaxıstanda peyvənd əleyhidarlarının sosioloji portreti hazırlanacaq
05:40 20-07-2021 479
Qazaxıstan prezidenti Kasım Jomart Tokayevin başçılığı ilə ölkədə koronavirusla bağlı vəziyyətə dair toplantı keçirilib.
“Haber Global” məlumat verir ki, toplantıda virusun yayılma sürətinin artdığı, gündəlik yoluxma sayının 5 mini aşdığı bildirilib.
Bununla əlaqədar, dövlət başçısı tərəfindən müəyyən göstərişlər verilib.
Təlimata uyğun olaraq, ilk növbədə hökumət vaksinasiyada geri qalan bölgələrdə mobil qruplar formalaşdıraraq, peyvəndlənməni sürətləndirməli, peyvənd əleyhidarlarının sosioloji portreti hazırlanmalı, ticarət və iaşə obyektlərində lazımi tədbirlər görülməli, həmçinin sentyabrda istehsalına başlanılacaq yerli “QazVak” vaksininin digər ölkələrdə təqdimatı işləri genişləndirilməlidir.
