Yol Polisindən əhaliyə ÇAĞIRIŞ

14:40 09-09-2021 326

Baş Dövlət Yol Polisi İdarəsi qarşıdan payız-qış mövsümünün gəlməsini nəzərə alaraq hərəkət iştirakçılarına müraciət edib. 

Bu barədə BDYPİ-nin İctimaiyyətlə Əlaqələr Şöbəsinin yaydığı məlumatda qeyd olunub. 

Belə ki, piyadaların küçə və yolları piyadalar üçün nəzərdə tutulan yerlərdən keçməsi tövsiyə edilir. Eyni zamanda məhdudiyyətli görünmə, yəni duman, yağış, qar şəraitində, habelə sutkanın qaranlıq vaxtı xüsusilə diqqətli olmaları, qulaqlıqdan istifadə ətrafdakı avtomobillərin səsini eşitməyə imkan vermədiyi üçün yolu keçərkən ondan istifadə etməmək məsləhət görülür. 

İctimai nəqliyyatı gözləyərkən və ona minib-düşərkən, həmçinin qəflətən avtomobil yoluna çıxmamaq, yaxınlaşmaqda olan avtomobillərin sürətini düzgün qiymətləndirmək, onların tam dayandığına, sürücülərin yol verdiklərinə əmin olandan sonra hərəkət etmək tövsiyə edilir.