Bakıda yeni marşrut xətti istifadəyə veriləcək

11:00 07-10-2021 486

149 və 164 nömrəli müntəzəm marşrutun hərəkət sxemlərində dəyişiklik edilib.

Bu barədə Bakı Nəqliyyat Agentliyi (BNA) məlumat yayıb.

Bildirilib ki, dəyişiklik əsasında 149 nömrəli marşrutun son dayanacaq məntəqəsi 20-ci sahə, 164 nömrəli marşrutun son dayanacaq məntəqəsi isə Lökbatan qəsəbəsi (Mədəniyyət sarayı) olaraq müəyyən edilib.

Bununla yanaşı, Səngəçal qəsəbəsində vətəndaşların ictimai nəqliyyatdan istifadəsində yaranan çətinliyin aradan qaldırılması məqsədilə Səngəçal qəsəbəsi - “Lökbatan” Nəqliyyat Mübadilə Mərkəzi istiqamətində 196 nömrə adı altında yeni şəhərətrafı müntəzəm marşrut təşkil edilib.

Qeyd edək ki, edilən dəyişikliklər oktyabrın 9-dan həyata keçiriləcək.