Almaniyada koronavirusa rekord yoluxma qeydə alındı
00:00 11-11-2021 350
Almaniyada son sutkada koronavirusa 39 676 nəfər yoluxub. Bu, ölkədə bütün pandemiya dövründə maksimum göstəricidir.
Bundan əvvəlki antirekord noyabrın 5-də qeydə alınıb, o zaman gün ərzində 37 120 yoluxma halı aşkar edilib.
Epidemiya başlayandan indiyədək Almaniya Federativ Respublikasında 4 844 054 nəfərdə koronavirus qeydə alınıb.
Koronavirusun yaratdığı xəstəliyin nəticələrindən ölkədə bir gündə 236 xəstə ölüb. Almaniyada pandemiyanın bütün dövründə ölənlərin ümumi sayı 96 963 nəfərə çatıb.
Mənbə: TASS
