Bakıda avtomobil 40 yaşlı kişini vuraraq ağır xəsarət yetirib
01:00 12-11-2021 349
Bakıda ağır xəsarətlə nəticələnən yol-nəqliyyat hadisəsi baş verib.
“Report” xəbər verir ki, hadisə Nizami rayonunda qeydə alınıb. Babək prospektində yolu keçən 1981-ci il təvəllüdlü Aslanov Nəsimi Nağı oğlunu avtomobil vurub.
Yaralı təcili tibbi yardımın köməkliyi ilə ağır vəziyyətdə xəstəxanaya çatdırılıb. Müayinə zamanı ona açıq kəllə-beyin travması və baş-beynin ağır dərəcəli əziyi diaqnozları qoyulub. Yaralı reanimasiya şöbəsinə yerləşdirilib.
Hadisənin təfərrüatı araşdırılır.
