“Vulverhempton” “şeytanın qıçını qırdı”: 42 illik uğursuzluq başa çatdı - VİDEO
İngiltərə Premyer Liqasının XXI turunda “Mançester Yunayted” öz meydanında “Vulverhempton”la qarşılaşıb.
HerGun.Az xəbər verir ki, oyunun taleyini bir qol həll edib.
Qarşılaşmanın 85-ci dəqiqəsində Moutinyo “canavarlar”a qələbə qazandıran yeganə qola imza atıb.
Bu, “qırmızı şeytanlar”ın Premyer Liqadakı 6, ümumilikdə isə 8 oyundan sonra ilk məğlubiyyəti olub.
“Manukunianlar” sonuncu dəfə ötən ilin noyabr ayının 20-də “Uotford”a uduzmuşdu.
Maraqlıdır ki, “Vulverhempton” əfsanəvi “Old Trafford” stadionunda sonuncu qələbəsini uzaq 1980-ci ildə qazanmışdı. Bu qələbə “Mançester Yunayted”in məğlubiyyətsizlik seriyasının qırılması ilə yanaşı, qonaqlar üçün də uzunmüddətli uğursuzluğun sona çatmasına da səbəb olub.
Qarşılaşmada vurulmuş yeganə qolu təqdim edirik: