Üzərində balıqçıların olduğu buz parçası sahildən qoparaq açıq dənizə sürükləndi - VİDEO
09:00 16-01-2022 496
Rusiyada sahildə balıq ovu həvəskarları faciənin astanasından dönüblər. Belə ki, onların üzərlərində durduqları buz yarıya bölünərək açıq dənizə tərəf sürüklənib.
Hadisə Maqadan vilayətinin Balaqannoye kəndi yaxınlığında baş verib.
Bununla bağlı görüntülər sosial şəbəkələrdə yayılıb.
Kadrlarda buz parçasının üzərində səkkiz nəfər və iki avtomobilin qaldığı görünür.
Lakin xoşbəxtlikdən onları xilas etmək mümkün olub. Belə ki, Fövqəladə Hallar Nazirliyinin əməkdaşları yerli sakinlərin köməyi ilə balıqçıları sahilə çıxara biliblər.
Mənbə: İzvestiya
