Ölkəmiz COVİD-19-la mübarizə aparən dövlətlər arasında seçilir. Dövlətimizin başçısı cənab İlham Əliyevin  sərəncamları ilə COVİD-19-la mübarizə aparmaq üçün   ölkəmizin şəhər və rayonlarında müxtəlif modul tipli xəstəxanalar  fəaliyyət göstərir.  Ölkə vətəndaşları  pulsuz olaraq  vaksinlərlə təmin olunur. Eyni zamanda  bu infeksiyaya məruz qalan  vətəndaşlaımız  xəstəxanalarda  hər cür qayğı ilə təmin olunurlar. Bunun üçün ölkə Başçımıza  dərin minnətdarlığımızı bildiririk. İnanırıq ki, 2020-ci ildə mənfur erməni işğalçılarına 44 gündə dəmir yumuruq kimi birləşərək qalib gəldiyimiz kimi, COVİD-19-a da  tezliklə qalib gələcəyik.

   COVİD-19-la mübarizə sahəsində Səhiyyə Nazirliyi də işlərini günün tələbləri səviyyəsində qurur. Nazirliyin bütün  işçiləri çalışırlar ki, bu virusun kökü kəsilsin.Bunun üçün də onlar əllərindən gələni əsirgəməyirlər. 

      Korona virus  infeksiyası  COVİD-19  insanlar arasında müxtəlif yaş qrupunda təsir edir. İnsanların böyük əksəriyyətində  bu yoluxucu xəstəlik yüngül və orta formada   keçir. Belə xəstələr  həkimə vaxtında müraciət edərsə tez bir zamanda sağalırlar.Bu yoluxucu infeksiyaya məruz qalan və ağır formada olan insanları təcili olaraq COVİD-19–la mübarizə aparan  xəstəxanalara çatdırmaq lazımdır. Bu gün  ölkəmizin  müxtəlif şəhər və rayonlarıda bu virusla mübarizə aparmaq üçün  hər cür şəraiti olan xəstəxanalar mövcuddur. Belə xəstəxanalardan biri də Sabirabar şəhərində fəaliyyət göstərən  Sabirabad Mərkəzi Rayon Xəstəxanasıdır.       Təmizliyi,səliqəliyi, savadlı həkimləri ilə seçilən bu xəstəxanaya  gətirilən xəstələrin  böyük əksəriyyəti burada onlara göstərilən qayğıdan, həkimlərin, tibb bacılarını onlara göstərdikləri  xidmətdən razılıq edirlər.

   Mən və həyat yoldaşım da bu  infeksiya ilə yoluxduq. Beyləqan rayonunda  analiz verdikdən sonra  bizi təcili olaraq  Sabirabad MRX-na gətirdilər. Hər ikimizi təcili müayinə edib palatalara yerləşdirdilər. Mənim vəziyyətim  çox ağır olduğu üçün həkimlər bütün qüvvələri ilə çalışdılar ki, tezliklə sağalım. Bunun üçün onlar əllərindən gələni edirdilər. Bu diqqətin bütün xəstələrə də  eyni olduğunu gördüm. Yəni, buraya gətirilən xəstələrin hamısına  yüksək səviyyədə  xidmət göstərilir. Ətraf şəhər və rayonlardan-Şirvandan, Füzulidən, Sabirabaddan, Beyləqandan, Ağcabədidən, İmişlidən  burada  infeksiyaya  yoluxan insanların sağalaraq  öz doğmalarının yanına qayıdanların həkimlərə etdikləri duaları gördüm. Və düşündüm ki, Azərbaycanda da  yüksək səviyyəli, savadlı  həkimlərimiz var. Onlarla qürur duydum. Bu həkimlərin sayəsində tezliklə sağalacağıma ümidim artdı.

      Şəfalı əlləri olan həkimlər, Allah sizlərdən razı olsun.  Hər gün öz həyatınızı riskə ataraq  yüzlərlə insanın  həyata qayıtmasına yardımçı, köməkçi olursunuz.Sizlər üçün edilən duaları, alqışları heç nə əvəz  etməz. Siz bu alqışlara layiqsiniz.

 Həyat yoldaşım Xalisə Babayeva və öz adımdan  Sabirabad  rayonu Mərkəzi Rayon Xəstəxanasının  direktoru Ənvər Lumanova, xəstəxananın direktor müavini Qalib Mirzəyevə,

baş həkim İkram Allahverdiyevə,infeksolist  kordinator  Zibeydə Qədimovaya,həmin xəstəxananın  cərrahiyyə şöbəsinin  bütün işçilərinə, o cümlədən baş tibb bacısı Sona Tağıyevaya, tibb bacıları Arzu Qəribovaya, Təbiət Musayevaya, Sevil Mirişovaya

təşəkkürümüzü bildiririk.  Eyni zamanda  xəstələrə vicdanla yanaşan Əfşan həkimə,Vəsilə həkimə, Sevinc həkimə, tibb işçisi Aslana, tibb bacısı Bəsti Əmirovaya, Minayəyə, Sahibəyə xəstəxanada çalışan Almaz Abuşovaya,Samirə Fətiyevaya,İlhaməyə və digər adlarını unutduğum xəstəxananın işçilərinə öz minnətdarlığımızı bildirirk. Nə yaxşı ki, ölkəmizdə işinə vicdanla, məsuliyyətlə yanaşan belə həkim kollektivi var.  

    Sabirabad MRX-nın cərrahiyyə şöbəsində  müalicə olduğum müddətdə həkimlərin, tibb  bacılarının  hər gün   öz həyatlarını təhlükəyə ataraq  xəstələrin sağalaraq ayağa qalxmaları üçün ürəkdən, məsuliyyətlə, vicdanla  çalşdıqlarını alqışladım.

   Həkimlik sənətini sevən, var qüvvəsi ilə xəstələrin sağlamlığı uğurunda mübarizə aparan Zibeydə Qədimovaya xüsusi ilə minnətdarlığımı bildirmək istəyirəm.Zibeydə həkim hər gün xəstələrlə görüşür, onların  müalicə olunaraq sağalmasına daha çox diqqət göstərən həkimlərdəndir.

   Onu da qeyd etmək istəyirəm ki, xəstəxanada  xəstələr vaxtlı- vaxtında  yeməklərlə təmin olunur. Xüsusi qablarda  verilən isti yeməklərin də xəstələrin sağalmasına təsiri böyükdür.Ona görə də bu yeməkləri hazırlayan adlarını bilmədiyim aşbazlara da öz təşəkkürümü bildirirəm.

    Bir daha öz həyatlarını  təhlükəyə ataraq COVİD-19-la mübarizə aparan Sabirabad MRX-nın bütün həkimlərinə dərin minnətdarlığımı bildirirəm.Var olun!

Elman İsrafiloğlu,

AYB,AJB-nin üzvü.