Deputat Azərbaycanda internetin sürətindən şikayətləndi
11:27 17-10-2019 531
Deputat Tahir Mirkişili Azərbaycandakı internetin sürətinin zəif olmasından şikayətlənib.
HerGun.Az-ın məlumatına görə, deputat bildirib ki, Azərbaycanda internetin orta sürəti 3.1 Mbit/saniyədir:
“Hesablamalara görə, internetin sürətinin iki dəfə artırılması ölkə iqtisadiyyatında Ümumi Daxili Məhsulun 0.3% artımına səbəb olur. 2018-ci ildə Azərbaycanda ÜDM-in həcmi 80 milyard manat olub.
Demək, internet infrastrukturunu təkmilləşdirməklə, orta internet sürətini 6.2 Mbit/san etməklə iqtisadiyyatda əlavə 240 milyon manat dəyərin yaranmasına nail olmaq mümkündür. Bu isə əlavə olaraq minlərlə iş yeri və büdcə gəlirlərinin artması deməkdir”.
Deputat əlavə edib ki, dünya üzrə orta internet sürəti 11 Mbit/san-dir.
Sevinc Yasinqızı
