Futzal millimiz DÇ-nin Əsas raundunu lider kimi tamamladı
22:20 26-10-2019 480
Futzal millimiz dünya çempionatının Əsas raundunun 3-cü qrupunda son görüşünü keçirib.
HerGun.Az xəbər verir ki, Elit raunda vəsiqəni təmin etmiş millimiz qrup liderliyi üçün Slovakiya ilə qarşılaşıb.
Görüş millimizin 2:0 hesablı qələbəsilə başa çatıb. Yığmamızın qollarını braziliyalı legionerlər - Bolinya və Vasura vurub.
Bununla da Joze Alesionun baş məşqçisi olduğu millimiz qrupu doqquz xalla lider kimi tamamlayıb.
Qeyd edək ki, yığmamız bundan əvvəl Moldovanı 3:1 və Monteneqronu 3:2 hesabı ilə məğlub edib. Qrupun bütün görüşləri Bakı İdman Sarayında keçirilib.
Səbuhi Musayev
