Tramp özünü əl-Bağdadinin zərərsizləşdirilməsində fərqlənmiş itlə müqayisə etdi

07:40 02-11-2019 10

ABŞ prezidenti Donald Tramp özünü İŞİD lideri əbu Bəkr əl-Bağdadinin zərərsizləşdirilməsi əməliyyatlarında fərqlənən xidməti it Konanla müqayisə edib.

Bu barədə RİA “Novosti” xəbər verir.

Amerika liderinin sözlərinə görə, bu itə mediada ondan daha yaxşı münasibət bəsləyirlər.

“Konan it haqqında mediada məndən daha çox müsbət məqalələr verilib və mən buna sevinirəm”, — Tramp bildirib.

ABŞ dövlət başçısı iti növbəti dəfə tərifləyib və əməliyyat zamanı onun inanılmaz dərəcədə çalışdığını qeyd edib.

Bundan əlavə, Tramp iti Ağ Evə dəvət edəcəyini bildirib.