Bill Qeyts dünya zənginlər siyahısında yerini fransalı milyarderə verdi

02:40 06-11-2019 536

“Louis Vuitton Moet Hennessy” moda evinin sahibi Bernar Arno “Microsoft İnc.”in sahibi və təsisçisi Bill Qeytsi dünya zənginlərinin siyahısında ikinci yerdən üçüncü yerə salıb.

Forbes” xəbər verir ki, Fransanın ən zəngin adamı varidatını 107 milyard dollaradək artırıb və siyahıda ikinci yeri tutub.  

Bill Qeyts 106, 8 milyard dollar varidatla üçüncü yerdə qərarlaşıb.

“Amazon.com” satış portalının sahibi Ceff Bezos isə 112,4 milyard dollarlıq varidatla dünya zənginlərinin siyahısına başçılıq edir.