Meteoritlərin tərkibindən şəkər çıxdı

15:20 21-11-2019 437

Astrobioloqlar ibtidai meteorit-xondritlərdə bir neçə mürəkkəb şəkərin, o cümlədən, genetik informasiyanın əsas komponentlərindən olan ribozanı aşkarlayıblar. 

Bununla bağlı “Proceedings of the National Academy of Sciences” jurnalında məqalə dərc olunub.

“Meteoritlər ilkin Yer üçün orqaniklərin daşıyıcıları rolunu oynaya bilərdilər. Bu səbəbdən səma cismlərində şəkərin aşkarlanması və onların planetimizə düşdüyü halda yaşaması ehtimalı onu göstərir ki, belə molekullar Yerdə, həmçinin, başqa planetlərdə RNT molekullarının və digər biopolimerlərin yaranmasında iştirak edə bilərdilər”, - deyə araşdırmaçılar bildiriblər.

Yaponiyalı alimlər müxtəlif meteoritlərdə dəfələrlə şəkər müəyyən etdiklərini bildiriblər. Lakin yekunda həmişə ixtiraçıların metodoloji səhv buraxdığı məlum olub.