Gecə ərzində Bakı küçələrində 3 piyada vuruldu - İkisi gənc, biri azyaşlıdır
Abşeronda azyaşlının xəsarət alması ilə nəticələnən yol-nəqliyyat hadisəsi baş verib.
HerGun.Az xəbər verir ki, qəza Xırdalan şəhərində qeydə alınıb.
596 saylı sərnişin avtobusu 2009-cu il təvəllüdlü Xudaverdiyev Əliabbas Arif oğlunu vurub.
Azyaşlı ağır vəziyyətdə xəstəxanaya yerləşdirilib.
Digər YNH Binəqədi rayonunda baş verib.
7-ci mikrorayon ərazisində yolu keçmək istəyən 1996-cı il təvəllüdlü Səfərova Kamilla Əsədulla qızını maşın vurub.
Yaralı 1 saylı Şəhər Klinik Xəstəxanasına yerləşdirilib.
magistralında
Qaradağ rayonunda da piyadanın yaralanması ilə nəticələnən yol-nəqliyyat hadisəsi baş verib.
Qəza Bakı-Qazax magistralının rayon ərazisindən keçən hissəsində qeydə alınıb.
Minik avtomobili yolu keçmək istəyən 1996-cı il təvəllüdlü Tağıyev İxtiyar Əhməd oğlunu vurub.
Yaralı 1 saylı Şəhər Klinik Xəstəxanasına yerləşdirilib.
Bütün hadisələrlə bağlı polis tərəfindən araşdırma aparılır.
Kamil Əmirli, Elşad Mətləboğlu
