İran Böyük Britaniyaya rəsmi etirazını bildirdi
19:00 12-01-2020 364
İranın Xarici İşlər Nazirliyi Böyük Britaniyanın ölkələrindəki səfiri Robert Makeri Tehrandakı Əmir Kabir adına Universitet binasının qarşısında keçirilən qanunsuz aksiyada iştirakına görə çağırıb.
“RİA novosti” xəbər verir ki, bu barədə rəsmi teleqram-kanalda məlumat verilib.
İran Britaniya səfirinə və hökumətinə rəsmi etirazını bildirib. Ona əcnəbi ölkə səfirlərinin ölkədə keçirilən icazəsiz tədbirlərdə siyasi nümayəndə kimi iştirak etməmək haqqında Vyana konvensiyası xatırladılıb.
Hazırda İran Xarici İşlər Nazirliyi Britaniya hökumətindən rəsmi şərh gözləyir.
