Türkmanlar Kərkükdə etiraz aksiyası keçirdi

07:40 16-01-2020 367

İraqın şimalında yerləşən Kərkük şəhərində böyük nüfuza malik türkmanlar bölgənin Təhsil İdarəsində edilən yeni təyinatlarla bağlı etiraz aksiyası keçirib.

“Anadolu Ajansı “ xəbər verir ki, etirazçıların fikrinə görə kadr dəyişiklikləri ədalətsizdir.

Aksiyada müxtəlif ali təhsil ocaqlarının yüzlərlə məzunu iştirak edib.

Onlar uzun illərdir ki, türkmanlara qarşı edilən ayrı-seçkilik səbəbindən iş tapa bilmirlər.

Türkman QHT-dən birinin rəhbəri İstibrak Yazaroğlu son təyinatları edərkən türkmanların nəzərə alınmadığını bildirib.

Etirazçılar Kərkük qubernatoru Rakan Səidinin türkmanların hüquqlarının pozulmasına məhəl qoymamasından da narazı olduqlarını bildiriblər.