Qurbağa dünyada ən zəhərli ilanlardan birini yedi

05:40 07-02-2020 485

Avstraliyanın Taunsvill şəhərində yaşıl ağac qurbağası sahil taypanı adını daşıyan dünyada ən zəhərli ilanlardan birini yeyib.

“The Time” xəbər verir ki, öz həyətində ilanı görən şəhər sakini peşəkar ilan ovçusu Ceymi Çepelə zəng vururb.

Lakin ilan ovçusu qadının evinə gələndən öncə maraqlı hadisə baş verib.

Qadın yolda olan Çepelə zəng vuraraq yaşıl bir qurbağanın ilanı yediyini bildirib.

Yeri gəlmişkən, taypan qurbağanı bir neçə dəfə sancmağa macal tapıb.

Çepelin sözlərinə görə, qurbağanın diri qalması əsl möcüzədir.

İlan ovçusu qurbağanın ilanı qaytaracağından və taypanın diri qalacağından ehtiyat edərək qurbağanı özü ilə aparıb.

Qurbağa tam sağalandan sonra təbiətə buraxılacaq.

Qeyd etmək lazımdır ki, Avstraliyada taypanın sancdığı hər ikinci adam ölür.