Damla oğlunu ilk dəfə canlı efirə çıxardı - FOTO/VİDEO

15:00 25-02-2020 883

“İbrahimin danışmaqla arası yoxdur. Evdə də elədir. Qaraqabaq, sakit uşaqdır. Ona baxıb deyirəm ki, boyuna qurban oğlum, çox tez boyüdün”.

HerGun.Az xəbər verir ki, bu sözləri müğənni Damla ATV-də yayımlanan “Zaurla Günaydın” səhər şousunda deyib.

Sənətçi İbrahimin qapalı uşaq olduğunu söyləyib:

“Onun alış-veriş, geyimi ilə mən məşğul oluram. Dərsləri ilə yaxından maraqlana bilməsəm də, müəllimləri ilə mütəmadi əlaqə saxlayıram. O, çox qapalı uşaqdır. Biz onu məcbur edirik ki açılışsın, efirlərə çıxsın. İbrahim qapalı olmasında mənə oxşayıb. Amma atasına daha çox bənzəyir”.

Damla keçmiş həyat yoldaşının oğlu ilə sıx münasibətdə olduğunu bildirib:

“Oğlumun tərbiyəsi ilə atası şəxsən məşğul olur. Onlar tez-tez görüşürlər. Oğlum atasının yanında olanda çox rahat oluram. Bəzən mənim vaxtım olmayanda atası onunla məşğul olur”.

Qeyd edək ki, Damla (Məsumə Məmmədova) övladının atası Ceyhun Əliyevlə bir il evli olub. 2017-ci ildə cütlük boşanıb.

Rəşad Əliyev