Millinin yeni baş məşqçisi məlum oldu

21:40 29-02-2020 401

Azərbaycan millisinin yeni baş məşqçisi müəyyənləşib. Yığmanı Canni de Byazi çalışdıracaq.

“FutbolPress”in məlumatına görə, artıq italiyalı mütəxəssislə razılıq əldə edilib. AFFA bütün digər namizədlərlə danışıqları dayandırıb. Yaxın zamanda tərəflər münasibətləri rəsmiləşdirməli və yeni çalışdırıcı ictimaiyyətə təqdim edilməlidir.

Açıqlamanın indi verilməməsinin dəqiq səbəbini öyrənə bilməsək də, bunun martın 3-də keçiriləcək Millətlər Liqasının püşkatmasından sonra olacağı ehtimal edilir.

Son olaraq 2017-ci ildə İspaniyanın “Alaves” klubunu çalışdıran Canni de Byazi həmin zamandan işsizdir. O, daha çox Albaniya millisindəki nəticələri ilə tanınır. 63 yaşlı mütəxəssis sözügedən yığmanı AVRO-2016-nın final mərhələsinə yüksəltməyi bacarmışdı.