Azərbaycanlı idmançının çempionluğu müdafiə edəcəyi döyüş sual altına düşdü
16:40 28-03-2020 436
MMA döyüşçüsü Nəriman Abbasovun çempionluq kəmərini müdafiə edəcəyi döyüş baş tutmaya bilər.
HerGun.Az xəbər verir ki, buna səbəb dünəndən Rusiyanın bütün beynəlxalq aviareyslərə qeyri-müəyyən müddətədək məhdudiyyət qoymasıdır.
Nəriman Abbasovun Rusiya vətəndaşı Mixail Qoqitidze ilə aprelin 18-nə təyin olunmuş “Fight Nights Global 98” döyüş gecəsi çərçivəsində qarşılaşması bu səbəbdən alınmaya bilər. İdmançının şəxsi məşqçisi Şəhriyar Abbasov isə hadisələrə nikbin yanaşır:
“Rusiyada karantin 10 aprelədəkdir. “Fight Nights”lə danışmışıq, onlar son anadək gözləyəcək. Tamaşaçısız da olsa, bu döyüşü keçirmək istəyirlər. Uçuşlar bərpa olsa, biz də Moskvaya gedəcəyik. Düşünürəm ki, aprelin 5-dən sonra hər şeyə aydınlıq gələcək”.
Səbuhi Musayev