Zaqatalada 24 yaşlı gənc bıçaqlandı

09:20 06-04-2020 525

Zaqatala rayonunda 24 yaşlı gənc bıçaqlanıb.

APA-nın məlumatına görə, bu gün axşam saatlarında rayonun Car kənd sakini, 1996-cı il təvəllüdlü İsmayıl Məhəmməd oğlu Musayev bıçaq yarası xəsarəti ilə Zaqatala Rayon Mərkəzi Xəstəxanasına daxil olub.

Tibb müəssisəsində İ.Musayevin yaşadığı kəndin ərazisində bıçaqlandığı məlum olub. Yaralı dərhal cərrahiyyə əməliyyatına götürülüb.

İ.Musayevi bıçaqlayan şəxsin hadisə yerindən qaçdığı bildirilir.

Faktla bağlı Zaqatala Rayon Polis Şöbəsində araşdırma aparılır.