Totti: “O qədər axmaq deyiləm ki, oğlumu “Latsio”ya yola salım”
“Roma”nın əfsanəvi futbolçusu Françesko Totti oğlu Kristianın “canavarların” əzəli və prinsipial rəqibi “Latsio”nun heyətinə transfer olunmasına razı deyil.
“Football Italia” nəşri xəbər verir ki, bir müddət əvvəl Totti jurnalistlərə verdiyi müsahibədə oğlunun “Latsio” klubuna keçidinin qarşısı almayacağını bildirmişdi.
Lakin futbolçu bu açıqlamısına aydınlıq gətirib:
“Mən söyləmişdim ki, əgər oğlum Kristianın agenti olaramsa, “Milan”, Latsio”, “Yuventus”dan gələn zənglərə cavab verərəm. İstənilən halda, Kristian mənə oxşayır, “Latsio”dan gələn təklifdən imtina edərdi. Mən o qədər axmaq deyiləm ki, oğlumu “Latsio”ya yola salım”.
Qeyd edək ki, Françesko Tottinin 14 yaşlı oğlu Kristian Totti hazırda “Roma” klubunun akademiyasında futbolun sirlərini öyrənir. Mütəxəssislər onun istedadını yüksək qiymətləndirirlər.
