Afaq Gəncəli Günay İbrahimli ilə qalmaqalından danışdı: “Düşmən olmasaq da, danışmırıq” - VİDEO
Məşhur teleaparıcı Afaq Gəncəlinin müğənni Günay İbrahimli ilə küsülü olduğu ortaya çıxıb.
HerGun.Az xəbər verir ki, prodüser Tarix Əliyevin (Tolik) “YouTube”da yayımlanan “Səmimi” layihəsinin qonağı olan Afaq Günayla münasibətinin sıfıra endiyini və danışmadıqlarını açıqlayıb.
Teleaparıcı müğənni ilə aralarında yaşanan qalmaqala belə aydınlıq gətirib:
“Günay İbrahimli ilə danışmıram. Amma el şənliklərində onu təqdim etməkdən boyun qaçırmıram. “Instagram”da bir-birimizi izləyirik. Düzdür, bu, bir göstərici deyil. Aramızda düşmənçilik ola bilməz. Səpdiyin toxum əgər yaxşıdırsa, ondan pis bəhrə ala bilməzsən.
Mən Günayı ilk vaxtlar səhnəyə çıxandan əlindən tutmuşam, dəstək olmuşam. Demirəm ki, onun əlindən tutub səhnəyə mən gətirmişəm. İlk gündən onun əlindən tutmuşam. Buna görə də mən ona düşmən kəsilə bilmərəm.
Danışmamağımız, incikliyimiz ola bilər. Nələrsə baş verib, Günayın səs tonunda, münasibətində, davranışında doğru olmayan şeylər olub. Düşmənliyimiz yoxdur, sadəcə danışmırıq”.
Rəşad Əliyev
