Suda yüz gün yaşayan koronavirus insana keçə bilərmi?

05:40 10-05-2020 335

Türkiyənin Kənd Təsərrüfatı və Meşə Təsərrüfatı Nazirliyinin Su İdarəetmə Baş İdarəsinin hazırladığı hesabata görə, dünyanın ən ümdə səhiyyə probleminə çevrilən koronavirus parçalanmış halda axar suda 10 gün, tullantı sularında isə 100 gün yaşaya bilər.

Bu barədə Sondakika.com xəbər verib.

Hesabatda koronavirusun içməli su, çirkab suyu və kanalizasiya şəbəkəsində ortaya çıxa biləcəyi qeyd edilir.

Buna baxmayaraq, COVID-19-un su vasitəsilə insana keçməsi təsdiq edilməyib.

Qeyd olunur ki, koronavirusun bütün növlərinin xlora qarşı yüksək həssaslığı var.