Millət vəkili həyəcan təbili çaldı: “İnsanlar heyvan ləpirindəki suyu içirlər”
13:20 05-06-2020 335
“Bu il Ağsuda susuzluqdan 45 hektar taxıl zəmisi yanıb”.
HerGun.Az-ın xəbərinə görə, bunu parlamentin iclasında deputat Tahir Kərimli deyib.
O bildirib ki, Ağsunun Padarqışlaq kəndində insanlar heyvanların ləpirinə toplanan suyu içirlər.
“Hesab edirəm ki, Ağsu çayı üzərində bənd tikməklə suyu bərpa etmək olar”, - deyə T.Kərimli əlavə edib.
Deputat onu da qeyd edib ki, Ağsu rayonunun bir neçə kəndində yol yoxdur, gedib-gəlmək mümkün deyil.
Aqşin Kərimov
