Əmircanda qəza: iki yeniyetməni maşın vurdu

02:00 19-07-2019 604

Suraxanı rayonunda 2 yeniyetməni maşın vurub.

HerGun.Az xəbər verir ki, hadisə Əmircan qəsəbəsində, 114 saylı orta məktəbin yaxınlığında baş verib.

Minik avtomobili 2003-cü il təvəllüdlü Əliyeva Ayşən Natiq qızı və 2004-cü il təvəllüdlü Həmzəliyev İlkin Zahid oğlunu vurub.

Yaralılar dərhal təcili tibbi yardım vasitəsilə xəstəxanaya çatdırılıb.

Onlara ilkin tibbi yardım göstərilib. Vəziyyətləri kafi qiymətləndirilir.

Hər iki yaralı ambulator müalicəyə göndərilib.

Faktla bağlı Suraxanı Rayon Polis İdarəsində araşdırma aparılır.

Kamil Əmirli

Elşad Mətləboğlu