Vandamın Bodrum istirahətindən görüntülər yayıldı: Özünə yaxta alır - FOTO

12:27 20-07-2019 896

Hollivud aktyoru Jan Klod Vandamın Bodrum istirahətinin fotoları yayılıb.

HerGun.Az xəbər verir ki, Vandam Muğla ərazisində yerləşən dəbdəbəli və lüks otellərin birində istirahət edir.

Aktyor axşam saatlarında otelin restoranında olaraq, orada həm şam edib və əylənib. Vandam rəqqaslara qoşularaq, onlarla rəqs edib və xatirə şəkilləri çəkdirib. Hər kəslə ünsiyyət qurub şəkil çəkdirən aktyorun səmimiyyəti və sadəliyi diqqətdən qaçmayıb.

Hollivud ulduzu Türkiyədə olduğundan məmnunluq duyduğunu və insanların sevgisindən aldığı müsbət enerjiyə görə onlara təşəkkürünü bildirib: 

“Türkiyə hər gəldiyimdə məni çox gözəl şəkildə qarşılayır. Tək buna görə buraya gəlmək insana bəs edir desəm, yanılmaram. Türkiyə sanki sehirli məkandır. Bunu Türkiyəyə təyyarədən enərkən, dərhal hiss etdim və elə ona görə də buraya gəlirəm. Türkiyə bir çox dinləri və mədəniyyətləri özündə birləşdirən gözəl ölkədir”.

Vandam Bodrumda yaxta almaq istədiyini də açıqlayıb:

“Buraya yaxın dostlarımın dəvəti ilə gəlmişəm. Türkiyənin suyu belə sehirlidir. Bir yaxtanı satın almaq istəyirəm ki, burada daha çox vaxt keçirim və buraya daha tez-tez gəlim”.

Rəşad Əliyev