Yarıçılpaq kişi ukraynalı müğənniyə hücum etdi - VİDEO
01:36 21-07-2019 1583
Ukraynanın tanınmış müğənnisi Anastasiya Prixodkanın başına səhnədə xoşagəlməz hadisə gəlib.
HerGun.Az xəbər verir ki, Vinnitsa şəhərində keçirilən konsertdə səhnəyə çıxan ifaçının üstünə gözlənilmədən yarıçılpaq kişi hücüm edib. Nəticədə müğənni yerə yıxılaraq, bədən xəsarətləri alıb. Həmin görüntüləri sənətçi şəxsi “Instagram” hesabında paylaşıb. Həyəcanlı və təhlükəli hallarla üzləşən Prixodka hadisə ilə bağlı hüquq-mühafizə orqanlarına şikayət edib.
Bu, ifaçının səhnədə həmin gün yaşadığı tək xoşagəlməz olay deyil. Belə ki, konsert zamanı elektrik enerjisinin verilişi beş dəfə dayanıb. Nəticədə Anastasiya Prixodko mikrofonsuz və musiqisiz canlı akapella oxumağa məcbur qalıb.
Rəşad Əliyev
