İrland futbolçunun “Qarabağ”la oyunda qabırğası sınıb?
11:45 25-07-2019 619
İrlandiyanın “Dandolk” klubunun futbolçusu Robi Benson ciddi zədə alıb.
HerGun.Az xəbər verir ki, 27 yaşlı yarımmüdafiəçi Çempionlar Liqasının II təsnifat mərhələsində “Qarabağ”la keçirilən ilk qarşılaşmada (1:1) zədələnib və onun həftəsonu İrlandiya çempionatındakı matçda, eləcə də Bakıdakı cavab oyununda iştirakı sual altına düşüb.
27-ci dəqiqədə əvəzlənmiş futbolçunun son durumuna isə bu gün aydınlıq gələcək.
Baş məşqçi Vini Pert bildirib ki, Robi bu səhər rentgendən keçəcək:
“Onun qabırğası sına və ya əzilə bilər. Necə olacağını rentgendən sonra biləcəyik”.
Qeyd edək ki, komandalar arasında cavab qarşılaşması iyulun 31-də “Dalğa Arena”da keçiriləcək.
Səbuhi Musayev
